PASA TIEMPO

                LA  MI MUCHACHA

Andiaba la mi muchacha poril monti, con las dos cabras,

 Pensandu siempre en el mucino que a ella la cotejaba,

Las cabrinas se li discarriarun, de la humbria pa la solana

Metiendusi en el cachinu guertu qui tinia  la tia GENARA;

Comienduli toitus lus nabus, que con sacrificio y suoris

La pobriciana abia sembrau, padaldicomer a lu gorrinus,

Que había comprau y que tinia metius en la cuadra

 Engordandulu con los nabus para cuandu llegara matanza.

Tocomi pagali los dañus, que cuasi no valin las dos cabras,

cabritus esti añu se los llevo el dimoniu por esta jolgazana

por pensa en el cachu mocinu, se le olvido de guardarlas,

ogañu ya se mus fastidiarun, de las dos cabras las ganacias.

Esta genti que hoy se cría, solo que piensa en la Babia

A los padris que  aguantin,  a los hijus no le importa nada,

El casu es tenel el puchueru cociu,  pa cuandu se le antoji

A ellus,  sin poneli horarius ni razonis para yena la panza.

Solu piensan en el  tilefuno móvil y que tu pongas las perras,

Y que le compris esi aparatinu que ellus llaman ordenao

Pa ici que navegal poril mudu, peru que tu no los veas,

Ansina se pasan horas y días, y ¡ oju ¡ no le reprendas,

Que icin que lam al 112 pa que a ti te metan en verea.

Malaya los tiempus que corrin, con esta sociedad nuestra,

en vez di trabajar pa que pasi la crisis, ellus paeci no le afecta

mientras jaya pagas dil gobierno, y  alguien qui ponga la mesa,

que tiempus aguelu miu, que tiempus que poque guel ban.